Ils schefs dal concern d’energia Axpo desistan sut circumstanzas da bunificaziuns. Quai ha ditg il CEO, Christoph Brand, envers la «SonntagsZeitung». I na dettia nagins boni per la direcziuns, sche l’Axpo dovria il fond d’urgenza da la Confederaziun. Quai haja la direcziun decis.
Fin a quatter milliardas francs
Mardi passà ha il Cussegl federal mess a disposiziun in emprest da fin a quatter milliardas francs, en cas ch’il concern avess da vegnir en las stretgas pervi da las turbulenzas als martgads d’energia. Ina premissa dal fond d’urgenza è in scumond da pajar dividendas. Dentant ha il Cussegl federal desistì d’in scumond da bunificaziuns.