Per blers restaurants saja il certificat da corona in agid, sur tut en las citads e las regiuns turisticas. Quai di il president da l'associaziun professiunala, Gastrosuisse, Casimir Platzer.
Ma, ils restaurants en la champagna hajan per part 30% enfin 50% damain svieuta, uschia Platzer vinavant. Avant l'introducziun dal certificat ha il president da Gastrosuisse crititgà l'obligatori da certificat sco exagerà. La mesira donnegia la gastronomia, avevi lura gì num. L'obligatori da certificat per ils restaurants vala dapi sis emnas.
Ord l'archiv:
Il schaner 2021 aveva la Confederaziun serrà per la segunda giada la gastronomia. RTR ha lura mess gastronomia e politica vid ina maisa.
