Ils donns chaschunads vid animals da niz protegids tras il triep en la regiun da Kärpf sajan anc sut la limita da diesch animals stgarpads. Questa limita stuess esser cuntanschida, uschia l'Uffizi federal d'ambient. Betg tut ils animals da niz inditgads sajan dentant stads protegids.
Ord vista dal chantun Glaruna haja il triep da Kärpf stgarpà aifer quatter mais diesch animals en situaziuns protegidas u «betg supportablas da protegir». La Confederaziun sustegna questa posiziun, contesta dentant che ina da las trais attatgas da lufs saja reussida pervi da la protecziun da muntaneras insuffizienta. Uschia ch'ils animals stgarpads durant questa attatga na sajan betg da quintar vitiers.
