Siglir tar il cuntegn

Header

cuntegn

Glisch verda Certificat da Covid per la Svizra vegn sco planisà

Il Cussegl federal ha approvà venderdi la basa legala per il certificat da Covid. Ils emprims certificats per persunas vaccinadas, guaridas e testadas vegnan dads ora a partir da glindesdi. Fin la fin dal mais duain quels lura star a disposiziun a l'entira populaziun.

  • Il certificat stat a disposiziun digital sin la app «COVID Certificate» u sin palpiri.
  • Tar la controlla da quel na vegni transmess u arcunà naginas datas persunalas.
  • Ils emprims certificats vegnan tschentads ora a partir dals 7 da zercladur.
  • Tge instituziuns che tschentan ora quels decidan ils chantuns.
  • La schliaziun svizra è plinavant cumpatibla cun il sistem da l'Uniun europeica.

L'ordinaziun che vegn messa en vigur ils 7 da zercladur prevesa ina introducziun successiva dal sistem.

Omaduas furmas dal certificat vegnan cun in code ch'è segir cunter falsificaziun e cuntegna ina signatura electronica da la Confederaziun.
Per ch'ils sistems dals certificats han il pli aut grad da segirtad vegnan els testads en rama da «Public Security Tests» tras experts e persunas interessadas.

La finamira è da pussibilitar libertad da sa mover.
Autur: Ueli MaurerCusseglier federal

Cunquai ch'il certificat da Covid è cumpatibel cun l'Uniun europeica duai esser pussaivel per ils pajais europeics da renconuscher vicendaivlamain ils certificats. Actualmain na saja anc betg vegnì tar questa renconuschientscha vicendaivla.

video
«La soluziun è cumpatibla cun l'UE»
Or da News-Clip dals 04.06.2021.
laschar ir

Dirk Lindemann, directur da l'Uffizi federal d'informatica e telecommunicaziun, ha explitgà suandantamain la validitad dals certificats:

  • Persunas testadas negativ: 72 uras per tests da PCR, 24 uras per tests d'antigen.
  • Persunas guaridas: 180 dis, a partir dal 11 avel di suenter il test positiv.
  • Persunas vaccinadas: 180 dis a partir da la segunda vaccinaziun.

Protegider da datas lauda il certificat

Il protegider da datas federal è cuntent cun il certificat da Covid da la Confederaziun. Ils puncts centrals da la protecziun da datas sajan ademplids, hai num en ina communicaziun. Spezialmain ludà vegn ch'i dat il certificat sin giavisch er sin palpiri e ch'i dat er in QR-code cun paucas datas. Tar controllas d'entrada vegn uschia be examinà sch'il certificat è valaivel. Nagin vesa sche la persuna è vaccinada, guarida u testada negativ. Deplorà vegn che quest QR-code pli simpel stat pir en ina segunda fasa a disposiziun.

RTR novitads 14:00

Artitgels legids il pli savens

Scrollar a sanestra Scrollar a dretga