Siglir tar il cuntegn

Header

cuntegn

Guauds en il Giura Il bau-scorsa fa quitads

Ils guauds da dascharina en il Giura ch'èn gia donnegiads da la setgira daventan actualmain pli e pli l'unfrenda dal bau-scorsa. Las autoritads teman ch'entirs guauds da pign e plantaziuns svaneschian. Las consequenzas per cuntrada ed ambient sajan gravantas. Sin las pastiras dal Giura cun ses pigns tipics vul ins cumbatter ils parasits uschè intensiv sco pussaivel.

Il dumber da plantas da dascharina ch'èn infestadas dal bau-scorsa pudess surpassar il record dal 2003. Da lez temp han pervi dal stemprà «Lothar» ed ina stad da chalira – han ins stuì pinar bunamain 50'000 meters cubic laina.

Er in problem en il nord dal pajais

La situaziun en la Svizra Romanda ed er cunzunt en il nord da la Svizra saja tendida, constatescha Valentin Queloz. El è il manader da la partiziun per la protecziun da guaud da l'Institut federal per la perscrutaziun da guaud, naiv e cuntrada (WSL). Ils ultims mais hajan els registrà adina dapli plantas da dascharina che sajan infestadas dal bau-scorsa.

Ord l'archiv

video
Il bau-scorsa profitescha da la chalira
Or da Giuventetgna dals 03.08.2018.
laschar ir. Durada: 3 minutas 5 Secundas.

RTR novitads 10:00

Artitgels legids il pli savens