Siglir tar il cuntegn

Header

cuntegn

Hans Stöckli President dal Cussegl dals chantuns crititgescha Cussegl federal

Il president dal Cussegl dals chantuns Hans Stöckli (PS) crititgescha co ch'il Cussegl federal è procedì da schluccar las reglas da corona. Ils cussegliers sajan sa pers en detagls, enstagl da restar sin il nivel strategic.

Tar las schluccaziuns dettia pliras cuntradicziuns, ha ditg Hans Stöckli envers las gasettas da CH-Media. Las grondas butias possian vender cudeschs, librarias dentant betg. Tats e tattas possian embratschar ils biadis, dentant betg pertgirar els. Uschia detagls na saja per la regenza d'in pajais betg pussaivel da realisar entaifer uschia in curt temp. Uschia detagls avessan ins stuì reglar cun ils pertutgads cun prescripziuns plausiblas.

Hans Stöckli lauda dentant: Il Cussegl federal haja surpiglià sia responsabladad. Vinavant haja el accentuà ils interess cuminaivels.

Vinavant cun la digitalisaziun

Ch'il parlament saja stà memia ditg inabel d'agir, quai na pensa il president dal Cussegl dals chantuns betg. La sessiun da mars hajan ins stuì dir giu. Schon 11 dis pli tard hajan ins sclerì tut las dumondas davart la sessiun extraordinaria. Insatge haja Hans Stöckli dentant emprais il davos temp: Il parlament stoppia far vinavant cun digitalisar sia lavur.

RTR novitads 09:00

Artitgels legids il pli savens

Ir a sanester Ir a dretg