Siglir tar il cuntegn

Header

audio
Prevista e valitaziuns dal correspundent a Berna Adrian Camartin
Or da Actualitad dals 04.05.2020.
laschar ir. Durada: 05:10 minutas.
cuntegn

Sessiun extraordinaria Parlament federal tracta credits da passa 55 milliardas francs

Oz cumenza a Berna en las salas da la Bernexpo la sessiun extraordinaria davart il cumbat e las consequenzas dal coronavirus. I va sulettamain per dar dumogn a la crisa da corona. Discutà vegn da credits da passa 55 milliardas francs.

sala gronda cun sutgas cun distanza
Legenda: Las salas sin l'areal da la Bernexpo duain garantir ch'era il parlament federal po respectar las reglas da distanza ed igiena en la sessiun extraordinaria. Keystone

Ina gronda part dals credits ha la delegaziun da finanzas dals cussegls bain gia approvà sco pajaments anticipads. Tenor lescha ston però era ils commembers dal parlament anc als approvar. Esser èsi credits transitorics, però era credits d'obligaziun. Discuttadas vegnan:

  • 40 milliardas francs per credits per perditas da gudogn,
  • 6 milliardas francs per l'assicuranza da dischoccupaziun per finanziar lavur curta,
  • 6 milliardas francs per finanziar las perditas da gudogn da firmas independentas - pia che lavuran sin sasez,
  • ulteriurs credits per medicaments e mascras, per agid d'urgenza per cultura e sport, per canortas ed era per il turissem.

Era puncts dispitaivels

Ils blers puncts n'èn betg dispitaivels – però betg tuts. In punct dispitaivel da la sessiun è l'agid finanzial per l'aviatica. Ils Verds, ils Verdliberals e la partida socialdemocratica vulan cumbinar quel cun pretensiuns ecologicas. Da l'autra vart vul la partida populara svizra reducir las summas per material da sanitad e l'agid per la cultura. E las cumissiuns da finanzas da las duas chombras vulan augmentar il credit per sustegnair canortas – la cumissiun dal cussegl dals chantuns pretenda era sustegn per il turissem.

La sessiun extraordinaria duai esser a fin il pli tard gievgia che vegn.




Davant e davos culissas cun il podcast direct da Berna

Da las preparativas per la sessiun «extra muros»

video
La sessiun sin l'areal da Bernexpo
Or da RTR Social dals 14.04.2020.
laschar ir

RTR actualitad 06:00

Artitgels legids il pli savens

Scrollar a sanestra Scrollar a dretga