Silas e ses amis siglian gia pli ditg giu da la punt. Er ad els èn ils privels conscients. Perquai han els in sistem. Quels che n'èn betg londervi cun siglir controllan il traffic sin l'aua. Sche nagina barca u nudader è en vischinanza lura dattan ils amis l'ok e lura siglia Silas. In sistem che ha enfin ussa funcziunà bain. Era autras persunas sa laschan inspirar da la giuventetgna e siglian, cun agid da la controlla sin l'aua, giu da la punt.
Quella tradiziun da Diessenhofen duess restar vinavant. Era sch'ils privels da siglir giu da punts èn enconuschents ed en divers lieus è quai era scumandà. Il president da citad da Diessenhofen è cler da l'opiniun ch'ins duess mantegnair la tradiziun e ch'els na veglian betg promover ina cultura da scumonds.
