Siglir tar il cuntegn

Header

Viafier retica
Legenda: Tge influenza che la midada ha concret sin l'urari da la Viafier Retica n'è anc betg cler. Il traffic regiunal duai dentant tenor communicaziun restar pli u mains sco enfin qua. Keystone
cuntegn

Svizra Il traffic public vegn reducì

Il traffic public en Svizra vegn reducì, las interpresas da transport svizras reduceschian l'offerta. Quai tenor l'ordinaziun da las Viafiers federalas svizras ed AutoDaPosta sco er en coordinaziun cun l'Uffizi federal da traffic, hai num en ina communicaziun.

L'urari vegn adattà davent da gievgia, pass per pass e quel valia ad interim.
Il provediment da basa saja garantì, i dettia dentant trens che na curseschian betg, che hajan retard u nagina colliaziun. Las interpresas da transport supplitgeschan da consultar l'urari online avant mintga viadi.

Gia il venderdi aveva la Viafier retica annunzià differentas mesiras:

  • Tranter auter èn ils viadis dal Bernina Express e dal Glacier Express stritgads
  • Nagins viadis da gruppa e nagins viadis istorics
  • Nagins vaguns-restaurant e nagins vaguns cun catering

L'urari actual da la Viafier retica chattais Vus mintgamai sin rhb.ch, quel da las Viafiers federalas sin sbb.ch u er viceversa.

Coronavirus

Coronavirus

Dapli fatgs, infurmaziuns ed istorgias chattais qua.

RTR novitads 20:00

Artitgels legids il pli savens

Ir a sanester Ir a dretg