Siglir tar il cuntegn

Header

cuntegn

Lescha CO2 Adversaris han inoltrà il referendum

Il mardi ha il comité ord l’economia surdà ils fegls cun passa 110’000 suttascripziuns a la chanzlia federala.

La Svizra saja sin buna via pertutgant la reducziun da CO2 – e na gioghia nagina rolla impurtanta tar la protecziun dal clima globala, argumentescha il comité. E la lescha chaschunia dapli birocrazia, scumonds e taxas.

Quai ha communitgà il comité che sa cumpona da pliras uniuns da la branscha aviatica, d’autos e da petroli. Las suttascripziuns ha il comité rimnà ensemen cun la PPS. Els hajan rabitschà ensemen passa il dubel suttascripziuns che necessari – e quai malgrà ils problems da rimnar suttascripziuns pervi da la pandemia da corona.

Vast sustegn

La nova lescha CO2 vul pass per pass reducir ils gas cun effect da serra. Ella prevesa tranter auter taxas pli autas sin benzin, ieli da stgaudar e bigliets da sgular. Tar la votaziun finala en il parlament a Berna han tut las partidas sustegnì la lescha – cun excepziun da la PPS.

RTR novitads 14:00

Artitgels legids il pli savens

Scrollar a sanestra Scrollar a dretga