Mardi ha il comité dal referendum cunter la lescha covid-19 cumenzà a ramassar suttascripziuns. Ils aderents vulan evitar che cumpetenzas ch’il Cussegl federal ha gì pervi dal dretg d’urgenza durant la pandemia, vegnan legitimadas e prolungadas enfin la fin dal 2021.
Lantschà il referendum ha l’uniun «Amis da la Constituziun» ch’èn sa preschentads avant las medias. La lescha covid-19 na dovria quai betg. La gronda part da quella sa fatschentia cun prestaziuns finanzialas ch’il Cussegl federal possia er reglar senza quella lescha. En pli crititgescha il comité l'obligatori da mascrinas sco er en futur in pussaivel obligatori da vaccinar.
Il comité da referendum ha temp fin ils 14 da schaner 2021 da ramassar 50'000 suttascripziuns.
audio
Per tadlar: Las novitads da las 12:00
ord Novitads dals 06.10.2020.
Maletg: RTR
laschar ir. Durada: 5 minutas 10 Secundas.
