Siglir tar il cuntegn
Ustaria cun bar serrada.
Legenda: Maletg simbolic. Keystone

Limitar il donn economic Uniun d'artisanadi e mastergn pretenda la fin dal lockdown

L'Uniun svizra d'artisanadi e mastergn pretenda da terminar il lockdown per immediat. La politica sa drizzia be tenor ils criteris da sanadad, ha l'uniun crititgà il glindesdi. Facturs impurtants sco la politica d'economia e da finanzas u socials na vegnian betg resguardads.

La cussegliera naziunala da la PLD e vicepresidenta da l'Uniun d'artisanadi e mastergn, Daniela Schneeberger, pretenda tenor ina communicaziun a las medias ch'i saja pussaivel da terminar il lockdown e las mesiras nuschaivlas cun testar e vaccinar intensivamain, far contact tracing e cun concepts da segirezza.

Realisar las mesiras fixadas en la lescha da Covid

Cun quellas mesiras saja pussaivel dad interrumper chadainas d'infecziun e dad evitar novas infecziuns. Il parlament haja fixà quest princip cler e net en la lescha da Covid. L'Uniun appellescha perquai al Cussegl federal dad uss realisar questa decisiun consequentamain. Tut quellas mesiras lubeschian numnadamain l'avertura ed in returnar ad ina sauna vita economica e sociala, uschia vegn cità il directur da l'Uniun svizra d'artisanadi e mastergn en la communicaziun.

Per tadlar curt e concis:

Ord l'archiv da la Tagesschau:

Gia il favrer aveva l'Uniun d'artisanadi e mastergn pretendì da puspè avrir tut las ustarias.

RTR novitads 12:00

Artitgels legids il pli savens