Siglir tar il cuntegn

Header

cuntegn

Malauras en Svizra Donns da milliuns durant las ultimas emnas

Las malauras dals ultims dis han chaschunà donns da plirs tschient milliuns francs en Svizra.

Sulettamain en ils set chantuns ils pli pertutgads impundian ils donns vi dad edifizis bunamain ina mesa milliarda francs. Quai resorta d’ina retschertga che SRF ha fatg tar diversas assicuranzas d’edifizis.

Il pli grond saja il donn en il chantun da Lucerna. Las assicuranzas quintian là cun donns da fin 200 milliuns francs. Las consequenzas da l’aua gronda sajan fin uss damain desastrusas che quellas da la granella. Er en ils chantuns da Turitg, Zug e Neuchâtel saja la granella per gronda part responsabla per ils donns finanzials.

video
Inundaziuns a Schleitheim (SH)
Or da News-Clip dals 16.07.2021.
laschar ir. Durada: 34 Secundas.

Mobiliar quinta cun donns da 280 milliuns francs

L'assicurader Mobiliar quinta cun donns en l'autezza da 280 milliuns francs entras la malauras da las ultimas emnas. Quai senza ils donns da las auas grondas dapi ils 14 fanadur.

La seria da malauras tranter ils 20 da zercladur e 13 da fanadur han chaschunà almain 60'000 donns. Sulettamein la granella dals 28 da zercladur ha donnegià radund 20'000 vehichels e chaschunà donns en la valita da 90 milliuns francs. I sa tractia dal pli grond cas da granella en l'istorgia da la mobiliar.

RTR Novitads 06.00

Artitgels legids il pli savens