Per la fin d’avrigl 2020 vegnian tut ils collavuraturs relaschads, sch’il suveran tessinais na vegnia betg ad approvar la finanziaziun da l’eroport ad Agno. Quai ha communitgà l’interpresa Lugano Airport SA. Il pass saja necessari. Il suveran decidia numnadamain l’avrigl davart il futur da l’interpresa.
Tant sin basa chantunala sco communala han partidas da la sanestra inoltrà il referendum cunter ina cuntinaziun dal sustegn finanzial. Sche la populaziun dal Tessin di la fin d'avrigl dentant gea a la finanziaziun, alura crodan las disditgas.
Concurs han chaschunà problems
L'eroport da Lugano-Agno ha pers blers sgols suenter che pliras societads aviaticas han fatg concurs. Cumenzà avevi cun il grounding da la Airline Darwin la fin da l'onn 2017. Silsuenter è anc la societad aviatica da la Slovenia Adria Airwys ida en concurs. Causa quest concurs èn ils sgolas tranter Lugano e Turitg vegnids stritgads.
Ord l'archiv
RTR novitads 12:00
