Siglir tar il cuntegn

Header

cuntegn

Midada da lescha Invista en documents duai esser gratuit

Il parlament a Berna vul ch'igl è da princip gratuit da prender invista en documents uffizials da l'administraziun federala. Ozendi èsi fixà en la lescha ch'ils custs per prender invista ston en la regla vegnir mess a quint, en la pratica na vegn quai dentant betg fatg uschia.

Il parlament vul uss midar la lescha. Suenter il Cussegl naziunal è er il Cussegl dals chantuns entrà en ina iniziativa parlamentara.

Uss ha la Cumissiun d'instituziuns politicas d'elavurar ina proposta. En il futur duain sulet dumondas che procuran per zunt gronda lavur custar. La cumissiun vuleva evitar la midada per che la pratica d'uss restia. Ella temeva ch'i dettia en l'avegnir bler dapli dumondas, spezialmain las dumondas cumplexas. Tenor Hans Stöckli (PS) dal chantun Berna na saja quai dentant betg il cas, sco l'exempel da ses chantun mussia, nua ch'ins haja gia fatg questa midada.

Public, sche buc secret

Mintgin ha il dretg da prender invista en documents uffizials, er senza inditgar in interess spezial. La basa da quai dretg è la lescha da transparenza che vala dapi il prim da fanadur 2006. Dapi lura vala la premissa che tut è public nun ch'i saja explicitamain declerà secret. Avant valeva il cuntrari, tut era secret, nun ch'i era explicitamain declerà public.

audio
Per tadlar: Las novitads da las 12:00
ord RTR Audio dals 01.12.2021.
laschar ir. Durada: 4 minutas 55 Secundas.

RTR novitads 12:00

Artitgels legids il pli savens