Ils flums pudessan en avegnir avair la stad fin a 40% pli pauc aua. Las raschuns: Dapli plievgia l'enviern ed il cunfin da naiv che vegn adina pli ad aut. Quai chaschuna pli pauca aua da naiv dals glatschers, e sminuescha uschia las reservas d'aua la stad.
Da l'autra vart chaschuna quai dapli plievgia localmain, ed era dapli inundaziuns. Uschia pudessan ils flums en avegnir avair l'enviern enfin 30% dapli aua e la stad fin 40% pli pauc aua ch'enfin uss.
La stad pudessi en avegnir anc vegnir pli chaud e pli sitg, uschia che l'aua pudess en avegnir vegnir pli stgarsa. Pervi da las autas temperaturas e pli pauca aua da glatsch en las auas, vegnia er la temperatura da l'aua en ils flums e lais a crescher per fin a 5 grads. Cun quai saja er la biodiversitad en las auas svizras periclitada.
Il rapport mussa er che la midada dal clima chaschuna dapli privels da natira, sco per exempel inundaziuns e bovas. Quai pervi da dapli plievgias intensivas ed ils glatschers che lieuan.
