Siglir tar il cuntegn

Header

cuntegn

Miseria da las chamonas 50% pli paucas pernottaziuns

Il Club Alpin Svizzer quinta cun radund 50% pli paucas pernottaziuns questa stad. Sco la SonntagsZeitung rapporta fissan quai 130'000 pernottaziuns pli pauc, malgrà che daplirs pudessan ir a viandar en muntogna la stad.

Stad difficultusa per las chamonas

Ina retschertga da la gasetta mussia, che las pretensiuns en ils concepts da protecziun sajan ina gronda sfida per las chamonas. Bain possian quellas avair avert. Cunquai che la regla da dus meters valia er en las chombras possian bleras chamonas dentant porscher pli paucs letgs. Uschia possian bleras chamonas betg lavurar rentabel. Era il scharm da chamona giaja uschia a perder. Las chamonas che han avert la stad, quintan dentant cun ina «stad difficultusa». E singulas chamonas na possian betg avrir pervia da las restricziuns.

Grondas perditas

Las regiuns da muntogna pon tenor Hotelleriesuisse quintar la stad cun bler turists da la Svizra. Ils alpinists internaziunals vegnan per gronda part a mancar. Tuttina vegnan las chamonas a stuair quintar cun perditas pervia da las mesiras da protecziun dal corona. Tenor Bruno Lüthi dal CAS stoppian ins quintar cun ina regressiun da la svieuta da var 12 milliuns francs. E quai saja calculà «plitost conservativ».

Ord l'archiv

RTR novitads 10:00

Artitgels legids il pli savens

Ir a sanester Ir a dretg