Malgrà che l'Armada svizra ha sfundrà fin ils onns 1950 muniziun e parts da quella en plirs lais na chatt'ins strusch pli restanzas da material explosiv u da metal grev en quels. Quai mussa il nov monitoring da la Confederaziun. Tuttina vegni cuntinuà cun quel.
Er la stad passada han experts prendì provas da sediments en ils lais da Thun, Brienz ed il Lai dals quatter chantuns e lura intercurrì quels en in labor.
Be en singulas provas saja vegnì cumprovà fastizs da material explosiv da la muniziun.
Las provas consistan mintgamai da sediments fin en ina profunditad dad in meter e mez al funs dals lais. Quellas han ils scienciads tranter auter testà sin TNT, nitroglicerin, plum ed argient viv.
audio
Per tadlar: Las novitads da las 12:00
ord Novitads dals 19.05.2020.
Maletg: RTR
laschar ir. Durada: 5 minutas 53 Secundas.
