Siglir tar il cuntegn

Header

cuntegn

Nagina furniziun d'armas Kiev ha pauc chapientscha per neutralitad svizra

En vista a l’attatga russa sin l’Ucraina na possia la Svizra betg pli restar neutrala. Da quest avis è l’ambassadura ucranaisa a Berna, Irina Wenediktowa. I giaja per defender il dretg internaziunal ed ils dretgs umans, ha ditg Wenediktowa en in’intervista cun la «SonntagsZeitung».

La neutralitad da la Svizra sa basia sin cunvegnas da tschientaners passads. Suenter la Segunda Guerra mundiala saja dentant s’etablì in dretg internaziunal ch’haja midà la situaziun a moda fundamentala. Ella respectia la neutralitad, pretendia dentant ch’auters stadis dastgian furnir armas svizras a l’Ucraina, uschia l’ambassadura a Berna vinavant.

Ord l'archiv

video
Tge è «neutralitad cooperativa»?
Or da Tagesschau dals 22.07.2022.
laschar ir. Durada: 3 minutas 1 Secunda.

RTR novitads 06:00

Artitgels legids il pli savens