L'uffizi federal da sanadad è vinavant optimistic che la Svizra po vaccinar tut las persunas che vulan quai, fin la fin da zercladur. Ins saja en il plan cun las vaccinaziuns, ha ditg la vicedirectura, Nora Kronig avant las medias a Berna. Il favrer haja la Svizra survegnì radund 640'000 dosas e fin il mars duai dar in ulteriur milliun dosas. Il volumen creschia da mais tar mais.
Era il dumber da dosas ch'ins ha gia vaccinà crescha cuntinuadamain:
Gist perquai ch'il virus vegnia ad occupar vinavant, saja impurtant da vaccinar, uschia Martin Ackermann da la Task Force scientifica:
Quai che pertutga las novas infecziuns, sa mussa il BAG però precaut. Il dumber na giaja betg pli enavos mabain plitost levet ensi.
La survista da cifras e fatg en Svizra ed en il Grischun:
Actualmain ademplescha la Svizra be in dals quatter criteris ch'il Cussegl federal aveva fixà per schluccar ulteriuras mesiras ils 22 da mars.
Betg ademplì:
- L'incidenza da 14 dis è actualmain tar 168,36. Quella sto dentant tenor premissa esser ils 17 da mars sut l'incidenza da 14dis dal prim da mars (165,89). Quest criteri n'è uschia betg ademplì.
- La rata da positivitad en la media da 7 dis è per il mument tar 5,0%. La valur stuess esser sut 5%. Quest criteri n'è uschia betg ademplì.
- La media da 7 dis da la valur da R è per il mument tar 1,08. La valur stuess dentant esser tar sut 1. Questa valur n'ademplescha il mument betg il criteri.
Ademplì:
- Sin las staziuns intensivas sa chattan 181 persunas pervi da Covid-19. Vegnì definì era ch'il dumber sto esser sut 250 persunas. Quest criteri è ademplì.
