Il furnitur da farmazia Lonza vul stgaffir 115 plazzas novas a Stein en Argovia. Lonza planisescha da construir là in nov indriz d’embuttigliar substanzas activas per anti-corps. Quai ha communitgà il concern svizzer. Il manaschi duaja cumenzar il 2027. Pir dacurt aveva Lonza avert in indriz d'embuttigliar a Visp en il chantun Vallais.
Il indriz saja in impurtant pass en direcziun dal sectur da medicaments e servetschs medicinals. La collavuraziun cun il producent svizzer cun Moderna è dentant finì. Moderna aveva avant curt annunzià da desister en il futur sin la collavuraziun e da producir en agens indrizs il vaccin da corona.
