Siglir tar il cuntegn

Header

video
Las novas reglas da traffic
Or da SRF News dals 30.12.2020.
laschar ir
cuntegn

Novas leschas ed adattaziuns Las midadas per l'onn 2021

Davent dad oz valan novas reglas da traffic:

  • Uffants fin 12 onns dastgan charrar cun velo er sin passapès.
  • Tar colonnas u tar in accident èsi lubi da charrar sperasvi a dretga. Surpassar a dretga resta dentant scumandà. Vitiers ston ins sin l'autostrada far ina giassa da salvament en cas urgents.
  • Da nov vala ch'in examen da teoria dumangà duai esser valaivel senza limita.
  • La dumonda per in permiss d'emprender po vegnir inoltrà il pli baud cun 17 onns empè da 18.
  • Da nov pon ins era cumprar en pausadis d'autostrada alocohol.

Cun l'entschatta da l'onn nov datti er autras novas leschas e reglas ch'entran en vigur en Svizra. Intgins exempels:

  • Babs d'uffants novnaschids pon da nov far in congedi da paternitad da duas emnas. Finanzià vegn quel sur l'urden da cumpensaziun dal gudogn. Per quai vegn la tariffa da la contribuziun da l'urden da cumpensaziun dal gudogn augmentà da 0,45 sin 0,5%.
  • Per pudair organisar meglier clamada cun famiglia vegn era reglà da nov la tgira da confamigliars. En in emprim pass vegn il congedi da tgira per geniturs cun uffants grev malsauns reglà da nov.
  • Era la furnizun da gasettas tras la posta duai vegnir migliurada. En lieus senza servetsch baud sto almain 95% da las gasettas dal di vegnir furnidas fin las 12:30.

Ord l'archiv

Dovran er babs in congedi da 2 u 4 emnas? En il «Controvers» discutan: Silva Semadeni, cussegliera naziunala da la PS, Martin Candinas, cusseglier naziunal PCD e Martin Schmid, cusseglier dals chantuns PLD.

video
Dovri er en Svizra in congedi da paternitad? – mit deutschen Untertiteln
Or da Controvers dals 30.09.2018.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga