Persunas ch'èn stadas en contact cun insatgi ch'è s'infectà cun la varianta omicron, ston en quarantina. Envers la gasetta online 20 minutas, ha l'Uffizi federal da sanadad confermà che quai pertutga er persunas ch'èn vaccinadas. I sa tractia d'ina mesira da precauziun. Actualmain na san ins anc betg quant privlus che omicron è. Er betg cler è sche las virolas protegian cunter questa nova varianta.
Enfin uss han ins confermà en Svizra trais cas da la varianta omicron. Da quels in cas en in gimnasi a Basilea. Là han radund 100 persunas stuì ir en quarantina.
