Las staziuns intensivas dals ospitals en Svizra han reglà da nov co ellas collavuran. La raschun è il grond dumber da pazientas e pazients da covid sin las staziuns intensivas, scriva la Confederaziun. Uschia èsi reglà sut tge cundiziuns che pazientas e pazients da la staziun intensiva vegnan transferids en auters ospitals: La staziun intensiva sto esser occupada per 85% e mintga segund letg sco esser occupà pervi da Covid-19.
Per pudair transferir pazientas e pazients en autras regiuns s'organiseschan ils ospitals cun il post da coordinaziun naziunal. Quel maina la Rega. Dapi l'onn 2020 stat il post a disposiziun durant 24 uras a las staziuns intensivas.
