Siglir tar il cuntegn

Header

cuntegn

Pannas tar numers d'urgenza Schaeppi na sclauda betg consequenzas persunalas

urs schaeppi pensiv
Legenda: Il CEO da la Swisscom Urs Schaeppi na sclauda betg consequenzas persunalas per las pannas tar la rait da numers d'urgenza – Sez sclauda'l da sa retrair. Keystone

Suenter las duas grondas pannas d'IT tar la Swisscom na sclauda il schef Urs Schaeppi betg pli consequenzas persunalas. Davart quellas vegnia però pir anc decis, cura che tut ils detagls da la panna da l'emna passada sajan enconuschents, ha ditg Schaeppi envers la «SonntagsZeitung». Per el na saja ina demissiun però nagina opziun. El saja però cunscient d'avair la responsabladad per ils incaps.

Nus savain ussa che plirs specialists han valità sbaglià la ristga tar ina midada vid la rait.
Autur: Urs SchaeppiCEO Swisscom

El possia mo sa perstgisar per las pannas e procurar per remedura. La panna da l'emna passada saja stada ina incatenaziun da cundiziuns suboptimalas. En l'avegnir dovria quai en mintga cas dapli segirtad tar las colliaziuns. Schaeppi annunzia da vulair evaluar sistems da reserva ensemen cun ils servetschs d'urgenza.

Pannas malgrà investiziuns en infrastructura

Schaeppi punctuescha che la Swisscom investeschia mintg'onn 1,6 milliardas francs en l'infrastructrua. Da quai passa 0,5 milliardas en il mantegniment. La panna da la notg sin mesemna haja quai dà, perquai che pliras persunas dal fatg hajan valità fauss la ristga tar las lavurs da mantegniment.

RTR novitads 09:00

Artitgels legì il pli savens

Nach links scrollen Nach rechts scrollen