Siglir tar il cuntegn

Header

cuntegn

Passa 1'000 persunas Chantuns vulan prolungar scumond d'occurenzas grondas

Occurenzas cun passa 1'000 persunas duain restar scumandadas enfin la fin da l'onn. La maioritad dals chantuns vul quai, ha communitgà la Conferenza svizra da las directuras e dals directurs chantunals da sanadad (GDK). Il mument vala il scumond enfin almain ils 31'avust.

Considerond il grond augment da novas infecziuns da corona sajan las autoritads chantunalas da sanadad anc adina da l'avis ch'i dovria ina regulaziun d'occurenzas grondas. Pertge gist tar occurenzas grondas possia il virus bain sa derasar.

Decisiun november

Tut tenor co la situaziun sa sviluppa veglian ins puspè decider il november davart in'ulteriura prolungaziun. Quai che pertutga occurenzas cun plirs tschients participants veglian ins ramassar durant ils mais d'atun experientschas, uschia la GDK.

RTR novitads 17:00

Artitgels legids il pli savens

Scrollar a sanestra Scrollar a dretga