Siglir tar il cuntegn

Header

cuntegn

Per gronda part d'accord Bleras partidas sustegnan las mesiras

Las partidas politicas han reagì a moda differenta sin las novas mesiras da corona dal Cussegl federal: Per l'Allianza dal Center sajan quellas necessarias. Sco er la PPS pretenda ella da reintroducir ils tests gratuits. Er la PS, la PLD ed ils verd-liberals sustegnan la decisiun dal Cussegl federal. Tuttas trais partidas pretendan ch'uschè bleras persunas sco pussaivel survegnian tant pli spert la vaccinaziun da rinfrestgament. Ils verds percunter discurran dad ina disditga da la regenza: Lur president Balthasar Glättli crititgescha ch'il Cussegl federal n'haja betg ordinà in obligatori da homeoffice e da tests en las scolas.

Tests en scola in bun med

Er tenor l'epidemiologa e professura, Susi Kriemler, fissan tests repetitivs en scola in bun med per identifitgar uffants infectads senza simptoms. Quai saja numnadamain il cas tar dus da trais cas. Per ella fiss in obligatori da tests en scolas stà ina mesira fitg raschunaivla, sco ella ha ditg en in'intervista cun las gasettas da Tamedia.

Il Cussegl federal ha desistì da quest obligatori perquai che 17 dals 26 chantuns han refusà questa mesira durant la consultaziun.

RTR novitads 06:00

Artitgels legids il pli savens