Tenor il dretg vertent avessan persunas independentas il dretg da survegnir la cumpensaziun pervi da corona enfin ch’ellas pon puspè avrir lur manaschi – pia enfin ils 27 d’avrigl respectivamain 11 da matg.
En la pratica vegnia dentant ad esser uschia che persunas cun activitad da gudogn independenta na possian betg manar lur manaschi a partir da l’emprim di cumplettamain, argumentescha il Cussegl federal sia decisiun.
Pervi da las mesiras d'igiena e da distanza possian els per exempel betg servir tuttina blers clients. Quellas indemnisaziuns vegnan prolungadas automaticamain fin ils 16 da matg. Ils retschaviders da quellas na ston pia betg vegnir sezs activs.
Independents che na pon anc betg reavrir lur manaschi survegnan vinavant la cumpensaziun da gudogn. Quai pertutga cunzunt la gastronomia.
