Siglir tar il cuntegn

Header

video
La SwissCovid app - co ina applicaziun sa gidar encunter il coronavirus
Or da RTR Social dals 25.06.2020.
laschar ir
cuntegn

Pervi da protecziun da datas Maioritad na vul betg la SwissCovid app

56% da la populaziun svizra na vul betg installar la app da tracing da corona da la Confederaziun sin il telefonin. Tenor ina enquista da Comparis na crain bleras persunas betg vi dal niz da la SwissCovid app e teman che la protecziun da datas vegnia violada.

Il pli ferm refusan las persunas sur 60 onns la app. Uschia vulan 64% d'els betg installar la app. Critics èn dentant er las persunas sut 30 onns. Ina maioritad da 53% na vul betg installar la app.

Malgrà ils dubis pervi da la protecziun da datas, dovrian ils sceptichers da la app però savens servetschs da messenger sco Whatsapp u er apps da social-media sco Facebook u Instagram, schebain che quels spiuneschian or lur utilisaders, scriva Comparis. 86% da quels che na veglian betg installar la app da tracing, dovrian uschia almain ina giada l'emna Whatsapp.

Per l'enquista èn vegnidas dumandadas la fin da zercladur 1'000 persunas en l'entira Svizra. Fatg l'enquista ha Marketagent Svizra sin incumbensa da Comparis.

RTR novitads 06:00

Artitgels legids il pli savens

Scrollar a sanestra Scrollar a dretga