Siglir tar il cuntegn

Header

cuntegn

Pervia da gronds deficits Parlament vul gidar il traffic public

Il parlament ha acceptà ina moziun che pretenda dal Cussegl federal d’elavurar ina proposta co ils deficits da trens, bus e bastiments pon vegnir repartids a moda gista tranter la Confederaziun, ils chantuns ed las interpresas da traffic public.

La situaziun è paradoxa: D'ina vart cusseglian ils experts d'evitar viadis cun il tren e bus, da l'autra vart pretenda il Cussegl federal dentant da las interpresas dal traffic public ch'ellas mantegnian ina gronda part da las colliaziuns. La consequenza è ch'ils custs da persunal e material n'han betg pudì vegnir reducids.

Il dumber da passagiers è dentant sa reducì per enfin 90 pertschient. Uschia per exempel era tar la Viafier retica. Cunzunt sin la lingia dal Bernina ed il Glacier Express manchian ils giasts. La fin d'avrigl quintava la RhB perquai cun in minus da 20 milliuns francs.

Suenter la chombra gronda, ha uss er il Cussegl dals chantuns approvà ina tala moziun. Bain haja il Cussegl federal gia empermess d'analisar la situaziun, ha ditg il pledader da la cumissiun Stefan Engler. I sa tractia uschia d'in appel e d'in grazia a tuts engaschads per il «service public» en il temp da crisa.
Cunter la moziun han vuschà la PPS ed ina part da la PLD.

RTR novitads 12:00

Artitgels legids il pli savens

Scrollar a sanestra Scrollar a dretga