Tranter auter ponderescha Coop da realisar in uschènumnà «megastore» en la regiun da Zug, cun 2'000 fin 3'000 meters quadrat. Dentant betg mo grondas stizuns sajan planisadas. Sco che Philipp Wyss di en l'intervista, dettia en Svizra adina dapli glieud ch'abitan en ina aglomeraziun. Quellas persunas veglian là ir a cumprar en. En pitschnas stizuns saja la vendita da mangiativas adina buna. Las purschidas online stoppian ins dentant er resguardar, uschia Wyss.
Philipp Wyss surpiglia questa sonda il post da schef da Coop, da Joos Sutter. Quel surpiglia il presidi dal cussegl administrativ da Coop.