Novas reglas per persunas senza vaccin u che n'èn betg guaridas
- Per entrar la Svizra, ston quellas persunas mussar in test d'antigen u da PCR negativ. Quai vala independentamain dal med da transport ed i vala er per traversar il cunfin cun velo u a pe.
- Quatter fin set dis suenter l'entrada, ston las persunas anc ina giada sa laschar testar sin corona. Quest test custa.
Novas reglas per tuts
- Tuttas persunas che entran, ston emplenir il formular da localisar electronic.
Excepziuns da l'obligatori da testar u per il formular
- Excepziuns valan per cunfinarias e cunfinaris, viagiaders da transit che na fan nagin stop en Svizra, manischunzas e manischunz da professiun, sco era persunas sut 16 onns, uffants e giuvenils, sco er entradas da zonas datiers dal cunfin.
Novas decisiuns davart il certificat
- Il certificat da Covid svizzer datti uss er per persunas che vegnan en Svizra ed han sa laschà vaccinar en l'exteriur encunter il coronavirus u èn guarids. Premissa è ch'il vaccin duvrà è lubì en Svizra u da l'agentura per medicaments europeana (EMA).
Tgi che na resguarda betg las novas reglas da corona po vegnir chastià. 200 francs èsi da pajar sch'il test negativ manca, 100 francs per il formular da localisar electronic che manca.
Dentant vegnia probablamain a dar largias, sco cusseglier federal Alain Berset ha declerà. Sin blers cunfins vegnia numnadamain fatg controllas sporadicas e betg controllada mintga singula persuna.
