Siglir tar il cuntegn

Header

video
Retschertga davart nova lescha da CO2
Or da Tagesschau dals 14.01.2023.
laschar ir. Durada: 3 minutas 8 Secundas.
cuntegn

Politica da clima Populaziun plitost per taxas directivas

Per reducir las emissiuns da CO2 en Svizra duai la politica sa concentrar sin uschenumnadas «taxas directivas» – pia sin taxas per bigliets da sgol, benzin ed ieli da stgaudar. Tenor ina retschertga represchentativa da l’institut da perscrutaziun «gfs.Turitg» hajan quellas il pli grond sustegn en la populaziun. 47% da las persunas dumandadas sajan per ina lescha da CO2 che sa basa surtut sin taxas directivas. Be 17% refuseschian quai. Sin il segund plaz suondian las subvenziuns cun 38%. Percunter sajan 56% da las persunas dumandadas s’exprimidas cunter scumonds.

Nova lescha ha fatg naufragi il 2021

Il zercladur 2021 aveva la lescha da CO2 fatg naufragi a l'urna. ll suveran svizzer aveva refusà cun 51,6% la revisiun da la lescha ch'ha vulì sbassar las emissiuns. Sulettamain en il vest, da Basilea-Citad e Turitg ha la dumonda gì sustegn. Per il Cussegl federal ed il parlament è quai stà ina terrada suenter lungas debattas e discussiuns.

Tge avess la lescha vulì midar?

Avrir la box Serrar la box

La lescha da CO2 ha previs che la Svizra duai contribuir a la finamira da franar la midada dal clima e da reducir las emissiuns da CO2. Cun reveder la lescha da CO2 vulevan il Cussegl federal ed il parlament porscher instruments per sbassar las emissiuns. La critica sa drizzava surtut vers ils pretschs che creschan, per exempel per benzin e diesel.

RTR novitads 22:00

Artitgels legids il pli savens