In'onuraziun per las gruppas e persunas che contribueschan a la pluralitad da la musica e la diversitad da la culissa e las praticas musicalas en Svizra. Quai è il Premi svizzer da musica tenor la communicaziun a las medias. Il premi vegn surdà da la giuria federala.
Quest onn survegn era ina gruppa grischuna il premi svizzer ch'è dotà cun 40'000 francs.
Ensemble ö!
L'Ensemble ö!» è vegnì fundà l'onn 2002 sco gruppa successura da l'ensemble da chombra «musicuria» ch'existiva fin lura. Entant che la musica nova era tar l'ensemble d'instruments a corda «musicuria» be ina pitschna part, ha l'Ensemble ö! mess l'accent dal tuttafatg sin la preschentaziun da musica contemporana.
Oz fan 13 musicistas e musicists part da l'Ensemble ö!. Dirigent principal è Francesc Prat, daspera mainan tranter auter era Manuel Nawri e Christian Rombach l'ensemble. Blers programs vegnan era preschentads senza dirigent.
Las nominaziuns ed il «Grand Prix»
Per la 13avla giada che l'Uffizi federal da cultura surdat ils premis svizzers da musica, va il «Grand Prix da musica» a la jodladra Nadja Räss dad Einsiedeln. Ella è chantadura, pedagoga e professura a la scola auta da Lucerna. Ella è ina da las pli impurtantas vuschs en la scena da jodlar ed ha gidà considerablamain per ch'il jodlar è vegnì sin la glista dal patrimoni cultural immaterial da l'UNESCO. Il 2025 è ella gia vegnida undrada cun la clav da violina d'aur, il pli aut premi da la musica tradiziunala en Svizra.
Las suandantas 11 musicistas e musicists svizzers, collectivs ed instituziuns survegnan il 2026 ina distincziun:
Las victuras ed il victurs dal Premi svizzer da musica
-
Bild 1 von 11. Nadja Räss. Grand Prix da musica. Bildquelle: Pati Grabowicz.
-
Bild 2 von 11. Domi Chansorn. Premi svizzer da musica. Bildquelle: Pati Grabowicz.
-
Bild 3 von 11. Ensemble ö! Premi svizzer da musica. Bildquelle: Pati Grabowicz.
-
Bild 4 von 11. Esther Hoppe. Premi svizzer da musica. Bildquelle: Pati Grabowicz.
-
Bild 5 von 11. Flèche Love. Premi svizzer da musica. Bildquelle: Pati Grabowicz.
-
Bild 6 von 11. Louis Schild. Premi svizzer da musica. Bildquelle: Pati Grabowicz.
-
Bild 7 von 11. Patricia Draeger. Premi svizzer da musica. Bildquelle: Pati Grabowicz.
-
Bild 8 von 11. Ruedi Haeusermann. Premi svizzer da musica. Bildquelle: Pati Grabowicz.
-
Bild 9 von 11. Café Bar Mokka. Premi da musica spezial. Bildquelle: Pati Grabowicz.
-
Bild 10 von 11. Intakt Records. Premi da musica spezial. Bildquelle: Pati Grabowicz.
-
Bild 11 von 11. La Via Lattea. Premi da musica spezial. Bildquelle: Pati Grabowicz.
La surdada dal 13avel Premi svizzer da musica ha lieu sonda ils 19 da settember 2026 en la sala Paderewski en il Casino de Montbenon a Losanna, en preschientscha da la cussegliera federala Elisabeth Baume-Schneider.
Quest onn è l'occurrenza ina part dal festival «Label Suisse». Il festival che ha lieu mintga dus onns preschenta la diversitad da la creaziun musicala svizra – dal pop e jazz, la classica fin a la musica populara nova.