L'industria da farma ha pajà l'onn passà radund 218 milliuns francs a medias e medis, ospitals ed auters acturs. Quai resorta d'in'atgna decleraziun da 65 interpresas da farma. Il pli bler ha pajà Novartis avant Roche ed il concern american Pfizer.
La federaziun da farma «Science-industries» ha confermà las cifras che la chasa editura Ringier Axel Springer ha evaluà e publitgà. Sin ina pagina d'internet ha la chasa editura plinavant mess a disposiziun las datas per tschertgar medis e localitads, e quant bler daners van a medias e medis.
