En Svizra datti adina puspè terratrembels. Dentant propi gronds èn rars, sco la survista giusut mussa:
Ils 10 pli ferms terratrembels en Svizra (funtauna ETH Turitg, servetsch da terratrembel CH)
| Data | Nua | Magnituda | Intensità |
|---|---|---|---|
| 18.10.1356 | Basel (BS) mit starken Nachbeben | 6.6 | IX |
| 03.09.1295 | Churwalden (GR) | 6.2 | VIII |
| 25.07.1855 | Stalden-Visp (VS) mit starken Nachbeben | 6.2 | VIII |
| 11.03.1584 | Aigle (VD) mit starken Nachbeben | 5.9 | VIII |
| 18.09.1601 | Unterwalden (NW) | 5.9 | VIII |
| ??.04.1524 | Ardon (VS) | 5.8 | VII |
| 25.01.1946 | Sierre (VS) mit starken Nachbeben | 5.8 | VIII |
| 09.12.1755 | Brig-Naters (VS) | 5.7 | VIII |
| 10.09.1774 | Altdorf (UR) | 5.7 | VII |
| 03.08.1622 | Ftan (GR) | 5.4 | VII |
Era sch'in grond terratrembel è rar, è il privel real. Perquai saja necessari da debattar sch'ina tala assicuranza naziunala fiss ina soluziun adequata. En Svizra èn numnadamain mo segirads 10% dals edifizis encunter terratrembels, scriva la cumissiun correspundenta dal Cussegl dals chantuns ch'approva la moziun cun 7 encunter 6 vuschs.
Tge vul la moziun?
L'assicuranza prevesa ch'i stuess pir vegnir pajà cura ch'i dat in tal terratrembel. Vul dir, sche la terra duess stremblir ferm en Svizra stuess vegnir pajà ina premia en l'assivuranza. La premia fiss unica. Dentant è anc avert sche mintgina u mintgin duess pajar la premia u mo possessuras e possessurs d'edifizis. Tut tenor co l'edifizi e fabritgà pudess la premia variar.
Betg bunas schanzas
En il passà èn adina puspè vegnidas inoltradas moziuns che vulevan in'assicuranza naziunala. Nagina moziun ha survegnì la maioritad en il parlament. Perquai n'èn las previstas era questa giada betg las meglras. Il Cussegl federal propona da sbittar la moziun.
