Il procuratur public dispitaivel, Michael Lauber, dastga sperar che la cumissiun da dretgira al recumonda per la reelecziun. I na dettia fin uss nagins avis che Lauber haja violà cun intenziun u per ferma negligientscha ils duairs d'uffizi, ha ditg il cusseglier naziunal Matthias Aebischer en l'emissiun da radio SRF «Heute Morgen». Aebischer è president da la sutcumissiun responsabla per l'elecziun dal procuratur public federal.
Il temp d'uffizi da Michael Lauber va a fin la fin da quest onn. Ils 28 d'avust decida la cumissiun da dretgira, sch'ella propona Michael Lauber per in'ulteriura perioda d'uffizi. Il parlament a Berna n'è dentant betg lià vi da questa recumandaziun.
RR novitads 08:00
