Siglir tar il cuntegn

Header

cuntegn

Provediment da gas La situaziun en Svizra è sa calmada

Bain custa gas cleramain pli pauc sin ils martgads globals, che anc avant paucas emnas. Tuttina ston las consumentas ed ils consuments en Svizra quintar ch’ils pretschs da gas restan auts.

Tenor Thomas Hegglin da la Federaziun da l'industria da gas svizra è il temp da gas bunmartgà per il mument passà. Fin uss era il gas russ simpel e bunmartgà da retrair. Il nov gas liquid saja dentant fitg cumplitgà da transportar, e stoppia vegnir sfradentà permanent.

Sco SRF scriva, custa il gas a Genevra ed a Berna passa 30 pertschient dapli cumpareglià cun avant in onn. E per l’onn nov ston ils consuments e las consumentas a Schaffusa pajar 44 pertschient dapli.

En princip stuain nus propi s’endisar vi da pretschs da gas pli auts.
Autur: Thomas Hegglin Federaziun da l'industria da gas svizra

Il survegliader dals pretschs Stefan Meierhans ha ditg envers SRF – ch’el na haja betg constatà adattaziuns betg giustifitgadas da las tariffas da gas.

audio
Per tadlar: las novitads da las 11:00
ord RTR Audio dals 09.12.2022.
laschar ir. Durada: 3 minutas 44 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga