Uss dependi da la PLD. La PPS ha offrì ad ella da far colliaziuns da glista en l'entira Svizra. Gist en il Grischun haja ins manchentà quai, e perquai pers in sez en favur da la PS.
Qua ils ulteriurs puncts che la PPS ha decidì a ses radunanza da delegadas:
- Opposiziun cunter la lescha dal clima: La PPS cumbatta quella perquai ch'ella saja «ideologica» e chaschunia pretschs auts d'energia. Ella pretenda dentant er che la Svizra vegnia independenta d'energia da l'exteriur.
- Far frunt cunter la politica d'immigraziun. Il sistem d'asil na fetschia betg ina differenza tranter persunas che fugian or da motivs economics ed umanitars, di Marco Chiesa. Perquai haja l'entir sistem d'asil fatg naufragi.
- Plinavant pretenda la PPS ina armada ferma ed che la Svizra po producir avunda mangiativas per sa nutrir sez.
- Nov en il program da la partida è il cumbat cunter la «cultura da woke». Er sa posiziunescha la PPS cunter la scola integrativa e limitaziun da tempo da 30 km/h sin vias principalas.
A quai di ha la PPS e dà adia a l'anteriur cussegl federal Ueli Maurer. En ses pled ha el deplorà ch'i vegnia «moralisà» bler ozendi, per exempel en connex cun l'Ucraina u corona.
La fin han ils delegads e las delegadas approvà unanimamain il nov program da la partida.
audio
Per tadlar: las novitads da las 12:00
ord RTR Audio dals 28.01.2023.
laschar ir. Durada: 2 minutas 57 Secundas.
