Siglir tar il cuntegn

Header

cuntegn

Rapport cumissiun da gestiun Cussegl federal duai reponderar organs da crisa

A l'entschatta da la crisa da corona 2020 haja il Cussegl federal gì ina rolla memia passiva en l'organisaziun da crisa. El n'haja betg percurschì ad uras ch'i sa tracta d'ina crisa che cumpiglia pliras branschas e che saja da dimensiun globala, uschia crititgeschan las cumissiuns da gestiun dal Cussegl naziunal e dal Cussegl dal chantuns en in rapport.

Plinavant haja il Cussegl federal sutvalità la durada da la crisa. Quai haja gì per consequenza che las mesiras per dar dumogn a la crisa sajan vegnidas emnas a la lunga a moda nuncoordinada en ils singuls departaments. Ins stoppia emprender da quels sbagls.

Blera pussanza per il Departament da l'intern

Il rapport vegn plinavant er a la conclusiun ch'il Departament da l'intern dad Alain Berset haja gì gronda pussanza. Uschia sajan gist trais organs da crisa d'impurtanza stads sutamess a quel. La taskforce da Covid-19 haja surprendì pensums dal Stab federal per la protecziun da la populaziun e dal stab da crisa da corona malgrà che quai na saja betg stà previs uschia.

audio
Per tadlar curt e cumpact
ord RTR Audio dals 24.05.2022.
laschar ir. Durada: 1 minuta 16 Secundas.

RTR novitads 14:00

Artitgels legids il pli savens