Il referendum è reussì formalmain: Svizras e svizzers decidan uschia definitivamain a l'urna davart il pass digital. Sco quai che la chanzlia federala communitgescha. Da las 65'200 suttascripziuns inoltradas sajan radund 64'900 suttascripziuns valaivlas. Necessari fissan stadas 50'000 suttascripziuns.
La raschun per il referendum è la rolla d'interpresas privatas. Tenor la lescha ch'il parlament aveva approvà fissan las autoritads federalas sulettamain responsablas per l'identificaziun dad ina persuna. Dà ora l'identitad digitala duai però l'economia privata. E quai crititgescha l'allianza che stat davos il referendum. I manchia la fidanza.
Ord l'archiv
Cun in'identitad digitala ch'è renconuschida dal stadi, duessi esser pussaivel d'esser activ en la rait a moda segira.
RTR novitads 16:00
