Siglir tar il cuntegn

Header

audio
Per tadlar: curt e cumpact
Or da RTR Audio dals 11.11.2022.
laschar ir. Durada: 57 Secundas.
cuntegn

Refurma da l'AVS Umens han survuschà las dunnas

Tar la refurma d'AVS ha il suveran decis la fin settember dad auzar la vegliadetgna da pensiun da las dunnas. Ina analisa da Vox mussa uss che las dunnas fissan stadas per gronda part encunter.

Circa dus terz dals umens eran per auzar la vegliadetgna da pensiun da las dunnas sin 65 onns. Schi fiss dentant ì tenor las dunnas, na stuessan ellas betg lavurar pli ditg. Mo 38% dad ellas han vuschà Gea. Quai mussa ina analisa da Vox che l'institut da perscrutaziun gfs Berna ha fatg suenter las votaziuns naziunalas dal settember.

Quai è il pli grond foss tranter las schlattainas ch'ins haja constatà enfin uss tar ina votaziun. Dentant han cunzunt las dunnas giuvnas refusà l'auzament. La maioritad da dunnas sur 65 è percunter stada persuenter d'auzar la vegliadetgna da pensiun.

RTR novitads da las 12:00

Artitgels legids il pli savens

Scrollar a sanestra Scrollar a dretga