Ina da quellas mesiras che duess gidar la scolaziun è da cumprar in nov simulatur da sgular. L'interpresa Swiss Helicopter SA e la Guardia aviatica svizra da salvament Rega cumpran ensemen in modul da cockpit dal tip da helicopters Airbus H125. Quai per il nov simulatur modular da sgol. Tras quai na vegn betg mo augmentada la qualitad en la scolaziun da pilots giuvens, mabain pon il medem mument vegnir reducidas la polluziun da l’ambient sco er ils custs.
Ma, pertge in simulatur?
En in simulatur pon ils pilots da helicopter trenar differentas situaziuns da standard sco er proceduras d’urgenza che na pon en realitad strusch vegnir pratitgadas. Ultra da quai na chaschuna el ni canera ni contaminaziun da substanzas nuschaivlas per l’ambient. Medemamain impurtant è il trenament da simulatur en la scolaziun ed en la furmaziun supplementara da las pilotas e dals pilots e per la segirezza da sgol.
La recrutaziun da pilots da helicopter cun experientscha è ina gronda sfida e vegn anc pli difficila en l’avegnir. In motiv èn ils auts custs per la scolaziun da pilot e pilota da helicopter. Cun il nov simulatur pon ins augmentar la qualitad e reducir ils custs da la scolaziun.
