La fin d'emna passada, dals 8 e 9 da matg, ha la Rega fatg radund 90 sgols da salvament per persunas ch'èn vegnidas en situaziuns d'urgenza, persunas ferm malsaunas e blessadas. L'aura sulegliva haja carmalà blera glieud en la muntogna, uschia ch'igl haja er duvrà pli savens agid, scriva la Rega en in rapport.
Tranter auter ha la Rega spendrà la sonda in skiunz or d'ina lavina al Arpelistock en il chantun Berna. E la dumengia lura dus viandants en l'Appenzell Dadens al Seealpsee ch'eran bloccads en la naiv ed in mountainbiker ch'era crudà a l'Üetliberg a Turitg.
Legenda:
Ina lavina tar l'Arpelistock.
MAD, Rega
audio
Per tadlar: Las novitads da las 12:00
ord RTR Audio dals 10.05.2021.
laschar ir. Durada: 5 minutas 1 Secunda.
