La gronda part da la populaziun è cuntenta cun ses agen status da la relaziun, pia d'esser en ina relaziun u betg. Radund dus terzs dals Svizzers e Svizras èn en ina relaziun. Passa 60% da quellas relaziuns tegnan gia dapi almain 10 onns.
Esser en ina relaziun n'è dentant betg la suletta pussaivladad d'esser cuntent. La pli gronda part dals dumandads e dumandadas han ina persuna ch'i pon sa fidar – e per blers èsi era bel da simplamain ina giada esser persul.
Cun persunas ch'han in problem da dependenza, èn gia en ina relaziun u han la medema schlattaina, na pon ils blers betg s'imaginar ina relaziun. Betg imaginar pon ins era ina relaziun cun persunas ch'han in'autra vista politica, interessantamain èsi dentant per bunamain la mesadad (45%) en urden, sch'il partenari na discurra betg la medema lingua.