Siglir tar il cuntegn

Header

cuntegn

Relaziuns Svizra – China Fatg ulteriur pass per modernisar il commerzi liber

Il primminister chinais, Li Qiang è sin visita uffiziala en Svizra. Sin il plan stattan tranter auter in discurs cun la presidenta dal Cussegl federal, Viola Amherd. Plinavant vai per discutar vinavant davart las relaziuns economicas tranter ils dus pajais. Er il pudair viagiar senza visum ubain l'uschenumnà «Cyberdialog» stattan sin la glista da temas.

Suttascrit decleraziun communabla

Bundesrat Guy Parmelin und der chinesische Premierminister Li Qiang halten jeweils eine Mappe in die Höhe.
Legenda: Duas suttascripziuns, in pass vinavant: La Svizra e la China han signà a Berna ina decleraziun davart la convenziun da commerzi liber dals dus pajais. Keystone

En il rom dals discurs è vegnì suttascrit ina decleraziun davart la convenziun da commerzi liber. Cun quella decleraziun va a fin in studi ch'ils dus pajais avevan lantschà il 2017. Quel è vegnì fatg sco basa per modernisar la cunvegna da commerzi liber tranter la Svizra e la China. Concret vai per meglierar l'access al martgà per exempel per products da finanzas. Er il process da dazis duai vegnir optimà.

Tenor la Confederaziun saja cun la suttascripziun fatg in pass impurtant en direcziun da novas tractativas davart la cunvegna da commerzi liber.

RTR novitads 15:00

Artitgels legids il pli savens