Pervia dal grond dumber d'infecziuns restrenschan intgins chantuns massivamain la vita publica ed extendan l'obligatori da mascra. Tenor la taskforce na tanschan las mesiras insumma betg. Ins stoppia ussa reagir spert. Perquai han intgins chantuns reagì. A partir da sonda saira vala en restaurants e clubs da differents chantuns in'ura da polizia. Cun questa mesira duaja dar damain infecziuns da corona durant la sortida.
- En ils chantuns da Berna, Lucerna e Basilea-Citad pon locals avair avert fin las 23:00 uras..
- En il chantun da Soloturn pon ils giasts restar in zic pli ditg: Là serran ils locals la bun’ura a l’ina.
- Per ils Vallesans èn ils restaurants gia dapi intgins dis serrads a las 22:00 uras.
La gronda part dals chantuns da la Svizra tudestga n’han percunter anc decis naginas restricziuns.
