Siglir tar il cuntegn

Header

cuntegn

Retards da furniziun Moderna Mancanza da persunal e materia prima per producir vaccins

Il «Sonntagsblick» scriva, che la Confederaziun vuless gidar Lonza a recrutar persunal qualifitgà. Il Departament federal da l'intern EDI examineschia, sche spezialists da l'administraziun federala, interpresas liadas a la Confederaziun u d'universitads possian vegnir engaschadas. In'autra raschun saja che la materia prima per producir il vaccin manchia.

Persunas d'in stadi terz

Tenor la «Sonntagszeitung» sajan ils contingents per forzas da lavur, che vegnan d'in stadi terz en Svizra, exaurids. L'onn passà haja Lonza tschentà pliras giadas la dumonda al chantun Vallais d'astgar engaschar spezialists d'in stadi terz. La finala haja il chantun lubì dad engaschar 17 ulteriuras persunas.

Il concern da chemia speziala Lonza producescha la substanza activa dal vaccin per il concern american Moderna.

Ord l'archiv

Il retard da Moderna saja dischagreabel e frustrant per il Grischun. Quai ha il minister da sanadad Peter Peyer confermà sin dumonda dad RTR.

audio
Tge muntan ils retards da Moderna per il chantun Grischun?
03:02 min, Actualitad dals 19.04.2021.
laschar ir. Durada: 03:02 minutas.

RTR novitads 09:00

Artitgels legids il pli savens

Scrollar a sanestra Scrollar a dretga