Siglir tar il cuntegn

Header

cuntegn

Retschertga coronavirus Dus terzs sustegnan obligatori da certificat

La maioritad da las Svizras e dals Svizzers sustegna ils plans dal Cussegl federal quai che pertutga ils tests ed il certificat da Covid. Tenor ina retschertga da Tamedia e «20 Minutas» èn 63% dals dumandads persuenter che persunas betg vaccinadas duain pajar per ils tests sch'ellas dovran quels per in certificat. Or da la retscha crodan be ina maioritad dals simpatisants da la PPS che pretendan vinavant tests gratuits. Tuttina èn era 45% da las electuras ed electurs da la PPS persuenter da stuair pajar sez ils tests.

Giuvens pli sceptics

L'obligatori da certificat survegn sustegn da 67% dals dumandads. En general sa mussa ch'ils giuvens èn pli sceptics. Da las persunas tranter 18 e 34 onns èn be 53% per in schlargiament da l'obligatori da certificat. Persunas sur 65 onns sustegnan cun 81% dapli quest schlargiament. Acceptà l'obligatori da certificat vegn en la gastronomia, ospitals e chasas da vegls sco era en
indriz da temp liber. Dentant be 40% van d'accord ch'ins dovra in certificat per entrar en universitads.

A la retschertga èn sa participadas 12'700 persunas.

Ord l'archiv

Da stuair mussar il certificat da corona daventa probablamain pli frequent. Per tschertins è quai la raschun dad uss tuttina sa laschar vaccinar.

video
Grischun schlargia diever dal certificat
Or da Telesguard dals 09.09.2021.
laschar ir

RTR novitads 8:30

Artitgels legids il pli savens

Scrollar a sanestra Scrollar a dretga