Per cuntanscher questa finamira dovria sforzs supplementars tar ils chantuns, ha communitgà la cumissiun. Quels stoppian porscher dapli offertas da vaccinar simplas e nunbirocraticas. La cumissiun propona plinavant, ch'i duai dar certificats per persunas che sa laschan testar regularmain, sco per exempel en fatschentas e scolas.
Gia il glindesdi aveva la cumissiun correspundenta dal Cussegl naziunal proponì che la Confederaziun stoppia surprender ils custs dals tests, uschè ditg ch'i vala in obligatori da certificat.
Cussegl federal d'auter avis
L'emna passada aveva il Cussegl federal punctuà sia decisiun d'abolir ils tests gratuits a media vista. Ina decisiun duai dar venderdi proxim.
Avant in'emna aveva el però proponì, ch'ils tests duain restar gratuit enfin ils 10 d'october, enstagl dal prim d'october. Per persunas che spetgan sin la segunda vaccinaziun duain els restar gratuits fin november.
